विसरला नसशीलच तू ती खुळावलेली वेळ ..!

विसरला   नसशीलच तू ती खुळावलेली वेळ ..!

विसरला  नसशीलच तू ती खुळावलेली वेळ
ऐन भरात आला होता उनपावसाचा खेळ
त्या स्वप्निल चांदण्यात मी उभी पेटले  होते
पहिल्यांदा जेव्हा मी तुला भेटले होते....

 

आठवतायंत का तुला आपल्या नजरांमधील कोडी
प्रश्न होते खूप पण वेळ होती थोडी
आठवतायेत का तुला ते धुंदावलेले गंध
शपथांच्या खेळातले ते लोभसवाणे छंद......

एकांतीचे शब्द शांततेनी खोडले होते
जसे मेघांनी ग्रीष्माचे संसार मोडले होते
मग एकदा असाच मी  केला होता फोन
मौनाच्या पडद्याआड रडलं होतं मज मन ....
तू रडला  नाहीस  फक्त हसलास  खिन्न
व्यथा होती एकच पण कथा होत्या भिन्न
पत्त्यांचा बंगलाच तो कधीतरी पडणार
एक खड्डा बुजवायला दुसरा खड्डा असणार
आता जपून ठेव हे आयुष्यभराचं वाक्य
"नियतीचं प्रेमाशी कधी जमत नाही सख्य".....
अक्षता झेलत झेलत आता संसारात रमशील
टाचांना कुरवाळत नभाशी बोलशील
मळभ होईल दूर विरून जातील मेघ
आकाशीचे ग्रह तुजे  घेतील पुन्हा वेग....

दिवस असे सरून जाताना वाडत चालंय अंतर
कळतंय तात्पर्य नसतं अश्या कथेला.. कधीच नसतो 'नंतर'

हळद , अक्षता , सनई तिघी एकत्र नांदल्या
पण माज्या व्यथा सा-या 

 'तुज्या आणि तिच्या '  "MARRIAGE CERTIFICATE  पाशी सांडल्या ...

asmi 

04.12.2010