पैलतीराच्या काठावरती

पैलतीराच्या काठावरती

पैलतीराच्या काठावरती चल खेळ मांडूया नवा ,

भातुकली नवीन सारी, पटलावरचा  डाव नवा

नवा गडी, नवा सोबती, नको स्पर्श भूतकाळाचा

डाव मोडला होता कधी ये पुन्हा सावरूया

पैलतीराच्या काठावरती चल  खेळ मांडूया नवा.....,

 

नवा संसार , नव्या आशा , उमटवूया नव्या  पाऊलखुणा

नको जुन्या आठवांच्या बेड्या , नकोच जुना हुंदका

साथ दे मजला आत्ता नव्याने फुलाया

शब्द दे मजला .. नव्याने हा उखाणा सोडवाया

पैलतीराच्या काठावरती चल  खेळ मांडूया नवा.....,

 

हात  दे मजला तुज्या माज्यातला उंबरठा ओलांडाया

जग दे मजला नवे हक्काने श्वास घेण्या

आकाश दे मजला नवे ..मुक्त विहराया

नजर दे नवी मजला  क्षितिजाचा ठाव घेण्या ...

पैलतीराच्या काठावरती चल  खेळ मांडूया नवा....

 

 

by Asmi

03.02.2011